Донишгоҳи аграрии Тоҷикистон
ба номи Шириншоҳ Шоҳтемур

Шуъбаи танзими фаъолияти илмии донишҷӯён

Ҷамъияти илмии донишҷӯёни донишгоҳ тибқи қонунҳои Ҷумҳурии Тоҷикистон «Дар бораи маъориф» ташкил карда шудааст. Фаъолияти илмии донишҷӯёни донишгоҳ барои дарёфти истеъдодҳо ҳавасмандкунии корҳои кафедраҳо оидба ташкили корҳои илмӣ- тадқиқотии донишҷӯён барои баланд ьардоштани сифати тайёр намудани мутахассисони соҳиби таҳсилоти касбӣ ташкил карда шудааст

Донишгоҳи аграрии Тоҷикистон ба номи Ш. Шоҳтемур дар тайёр намудани кадрҳои баландихтисос барои соҳаи кишоварзӣ саҳми хешро гузоштааст. Ба донишҷӯёни донишгоҳ олимони намоёни ҷумҳурӣ таълиму тарбия медиҳанд. Ҷалби донишҷӯён ба корҳои илмӣ- тадқиқотӣ ва иштироки онҳо дар чорабиниҳои илмии донишгоҳӣ ва ҷумҳуриявӣ яке аз вазифаҳои асосӣ пурсамари донишгоҳ ба шумор меравад. Дар солҳои фаъолияташ дар донишгоҳ конференсияҳои илмӣ- амалии донишҷӯён гузаронида шудаанд, ки дар кори онҳо зиёда аз 9500 нафар донишҷӯ иштирок ва баромад намудаанд.

Дар кафедраҳои донишгоҳ маҳфилҳои илмӣ ташкил карда шудаанд. Маҳфилҳо аз рӯйи равияи тахассусӣ ва ғайритахассусӣ ҷудо карда шуда, ба он мувофиқ номгузорӣ карда шудаст.

Фаъолияти кори маҳфил ба аъзоёни он дар зери назорати қатъии раёсати илм ва иноватсияи донишгоҳ буда, соле якмаротиба натиҷаи фаъолияти онҳо муҳокима карда мешавад. Инчунин дар маҳфилҳо рафти корҳои илмӣ- тадқиқотии донишҷӯён шунида муҳокима карда мешавад.

Айни замон фаъолияти танзими илмии донишҷӯёнро Аминова Г.Ю ба ӯҳда дорад. Хамасола дар донишгоҳ барои донишҷӯён конференсия, мизи мудаввар, семинарҳо, мусобиқаҳои корҳои илмии донишҷӯён, олимпиадаҳо гузаронида мешаванд.

Дар ҳама кафедраҳои донишгоҳ  маҳфилҳои илмии донишҷӯён фаъолият доранд ва дар кори онҳо қариб панҷсад нафар донишҷӯ ба фаъолияти илмӣ – тадқиқотӣ машғуланд. Роҳбарии маҳфилҳои илми ба зимаи мудирони кафедраҳо,профессорон ва дотсентони соҳибтаҷриба вогузор карда шудааст. Дар донишгоҳ 50 мактаби профессорон фаъолият дорад.

Дар раванди фаъолияти ҷамъияти илмии донишҷӯён, ки дар кафедраҳои тахассусӣ амал менамоянд, донишҷӯён таҳти роҳбарии устодон корҳои илмӣ -таҳқиқотӣ бурда, аз рӯйи натиҷаҳои илмии ба даст овардаашон рисолаҳои хатми бакалавриат ва магистрӣ, мақолаҳои илмӣ таҳия намуда дар чорабиниҳои илмии донишгоҳӣ фаъолона иштирок ва маъруза менамоянд. Айни замон теъдоди донишҷӯёне, ки ба маҳфилҳо, ҷамъиятҳои илмии донишҷӯён ва Бюрои конструкторӣ аъзо мебошанд, 524 нафарро ташкил медиҳад.

         Ба хотири дастгирӣ ва ҷалби ҷавонон раёсати донишгоҳ озмуни ихтироъкор ва навовари беҳтарин ва Низомномаи гузаронидани озмуни грантҳои хурд аз тарафи донишгоҳро ташкил намудааст. Вобаста ба ин, фаъолияти маҳфилҳои илмӣ ва ҷамъияти илмии донишҷӯён ва магистрон, иштироки онҳо дар олимпиадаҳои фаннии ҷумҳуриявӣ ва байналхалқӣ дар донишгоҳ хуб ба роҳ монда шуда, баҳри ҳавасмандии онҳо аз тарафи раёсати донишгоҳ барои ишғоли ҷойи якум- 3000 сомонӣ, ҷойи дуюм- 2000 сомонӣ, ҷойи сеюм – 1000 сомонӣ, барои ҷалби бештари онҳо ба ихтироъкорӣ бошад, барои ишғоли ҷойи якум -5000 сомонӣ, ҷойи дуюм -3000 сомонӣ ва ҷойи сеюм- 2000 сомонӣ, ҷойи  чорум -1000 сомонӣ ва ба роҳбарони онҳо маблағҳои зикршуда дода мешаванд.

Ҳамзамон, раёсати донишгоҳ ва қисми илм ва инноватсияи он дар доираи амалисозии Барномаи “Бистсолаи омӯзиш ва рушди фанҳои табиӣ, дақиқ ва риёзӣ дар соҳаи маориф” эълон гардидани солҳои 2020-2040 озмунҳои ҷумҳуриявии “Илм- фурӯғи маърифат”, “Ихтироъкор ва навовари беҳтарин”, “Донишҷӯ ва пешрафти илму техника”, озмунҳои донишгоҳӣ бахшида ба 30- солагии Истиқлолияти давлатии Ҷумҳурии Тоҷикистон, 90- солагии Донишгоҳи аграри Тоҷикистон ба номи Ш. Шоҳтемур таҳти унвони “Беҳтарин ихтироот”, “Олими пурмаҳсул”, “Навовари беҳтарин”, “Донишҷӯи сол”, “Беҳтарин лоиҳаи инноватсионӣ” ва низомномаҳои гузаронидани озмунҳои зикргардида ва грантҳои хурд аз тарафи донишгоҳро таҳия ва тасдиқ намудааст.

Санаи 12.03.2021 барои дарёфти «Ҷоми Академияи миллии илмҳои Тоҷикистон» олимпиадаи донишҷӯёни мактабҳои таҳсилоти олии ҷумҳурӣ дар Институти геологияи Академияи миллии илмҳои  Тоҷикистон баргузор гардид, ки дар он 6 нафар донишҷӯи донишгоҳ аз рӯйи фанҳои математика, физика, химия, биология, астрономия ва технологияи иттилоотӣ фаъолона иштирок намуда, 1 нафари онҳо ҷойи намоёнро сазовор гардид. Аз фанни математика Гулмамадов Ҷаҳонгир Давлатмамадович, донишҷӯи курси 1, факултети идораи замин ва геодезия, сазовори ҷойи 3-юм дар байни 26 нафар иштирокчӣ ва бо дипломи Академияи миллии илмҳои Тоҷикистон ва мукофоти пулии таъсиснамудаи донишгоҳ сарфароз карда шуд.

Донишҷӯёни донишгоҳ дар Олимпиадаи фаннии ҷумҳуриявии байни муассисаҳои таҳсилоти олии   касбии кишвар, ки рӯзҳои 28-29 майи соли 2021 дар Донишгоҳи давлатии Хуҷанд ба номи академик Б.Ғафуров шуда гузашт, иштирок намуда, донишҷӯи курси 5, факултети тибби ветеринарӣ  Фахрутдинов Бахтиёр аз фанни забони русӣ  сазовори ҷойи сеюм ва бо дипломи Вазорати маориф ва илми Ҷумҳурии Тоҷикистон ва мукофоти пулии таъсиснамудаи донишгоҳ сарфароз гардонида шуд.

Аз тарафи Асосгузори сулҳу ваҳдати миллӣ- пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон эълон   гардидани “Бистсолаи омӯзиш ва рушди фанҳои риёзӣ, дақиқ ва табиӣ дар соҳаи маориф”  солҳои 2020 – 2040 ва амалисозии он раёсати донишгоҳ нақшаи чорабиниҳо бо фарогирӣ аз 28 банд таҳия ва дар Шӯрои олимони донишгоҳ аз 22.09.2020, суратҷаласаи №2 тасдиқ намуда, иҷроиши онро марҳила ба марҳила ба роҳ монда, озмоишгоҳҳои илмию таълимии кафедраҳои физика, кимиё, ихтиоология ва физиологияи ҳайвоноти хоҷагии қишлоқ, гидравлика  ва кафедраҳои ихтисосии агрохимия ва хокшиносӣ, зироаткории умумӣ ва истеҳсоли хӯроки чорво,  геодезия ва геоинформатика, заминсозӣ, таъмини бехатарии сифати ғизо, растанипарвариро бо таҷҳизотҳои муосири озмоишгоҳӣ  муҷаҳҳас намуд, ки мавриди истифода дар раванди корҳои таълимиву илмӣ қарор доранд.

Соли 2021 баҳри амалишавии он ва ҳамзамон аз тарафи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон эълон гардидани озмуни «Илм-фурӯғи маърифат» (Амри Президенти Ҷумҳурии Тоҷикистон аз 11 феврали соли 2021, №АП-44)  раёсати донишгоҳ ва қисми илм ва инноватсияи он Низомномаи озмунҳои донишгоҳии “Навовари беҳтарин”, “Донишҷӯи сол”, “Беҳтарин ихтироот”, “Олими пурмаҳсул” ва “Лоиҳаи беҳтарини инноватсионӣ” – ро таҳия ва тасдиқ намуда ва ҳамзамон дар асоси Низомномаи Озмунҳои ҷумҳуриявии “Илм-фурӯғи маърифат”  ва “Донишҷӯ ва пешрафти илмию техникӣ -2021” ин озмунҳо гузаронида шуданд.

Даври якуми озмуни ҷумҳуриявии “Илм - фурӯғи маърифат” (Амри Президенти Ҷумҳурии Тоҷикистон аз 11 феврали соли 2021, №АП-44) тибқи Низомномаи озмун дар муассисаҳо бояд баргузор карда шавад, санаи 22 майи соли 2021 гузаронида шуд, ки 36 нафар донишҷӯёну магистрон, докторантон аз рӯйи ихтисос (PhD) ва устодон аз рӯйи 7 номинатсия, аз он ҷумла математика, физика ва астрономия, химия, биология, география, технологияи иттилоотӣ,   ихтироъкорӣ ва навоварӣ иштирок намуда, аз тарафи ҳайати 22 нафараи Комиссияи озмунӣ, ғолибони озмун ба даври дуюм ба  Комиссияи озмунии ноҳияи Исмоили Сомонӣ пешбарӣ гардида, санаи 26 майи соли 2021 дар ин давр иштирок намуданд ва чор нафари онҳо бо Сипосномаи мақомоти иҷроияи ҳокимияти давлатии ноҳияи Исмоили Сомонӣ сарфароз гардонида шуданд.

Мадғозиев Улуғбек Жумабоевич – омӯзгори калони кафедраи механикаи сохтмон ва иншоотҳои гидротехникӣ аз рӯйи номинатсияи “Ихтироъкорӣ ва навоварӣ” бо ихтирои худ “Обченкунаки сайёр барои чашмаҳо” дар ин озмун иштирок намуда, соҳиби ҷойи дуюм гардида, аз тарафи мақомоти иҷроияи  ҳокимияти давлатии ноҳияи  Исмоили Сомонии шаҳри Душанбе бо диплом ва маблағи  300 сомонӣ қадрдонӣ карда шуда, дар даври сеюм санаи 4-уми моҳи октябр дар сатҳи шаҳрӣ баргузор гардид, иштирок намуд.

Даври якуми Озмуни ҷумҳуриявиии “Донишҷӯ ва пешрафти илмию техникӣ -2021”  байни донишҷӯёну магистрон ва докторантон аз рӯйи ихтисос (PhD)  факултетҳои донишгоҳ дар моҳи май гузаронида шуд, ки дар он донишҷӯи курси 4, факултети механиконии кишоварзӣ Сафаров Мансур ғолиб омада, ба даври ҷумҳуриявӣ барои иштирок пешниҳод карда шуд ва ӯ дар даври ҷумҳуриявӣ  иштирок намуда, сазовори  ҷойи дуюм ва бо дипломи Вазорати маориф ва илми Ҷумҳурии Тоҷикистон сарфароз гардонида шудааст.

Санаи 30 апрели соли 2021 озмунҳои донишгоҳии “Беҳтарин ихтироъкор ва навовари сол” ва “Лоиҳаи беҳтарини инноватсионӣ”  байни донишҷӯёну магистрон дар донишгоҳ баргузор карда шуд, ки дар он 25 нафар иштирок намуда, 3 нафар ғолибони ҷойҳои ифтихорӣ гардида, бо Ифтихорномаи раёсати донишгоҳ ва  дигар иштирокдорон бо сипосномаҳо қадрдонӣ карда шуданд.

Донишҷӯи курси сеюми факултети механиконии кишоварзӣ Ҳафизов Орзу Зиёвудинович дар Универсиадаи байналмилалии патентии Авруосиёӣ таҳти унвони  “Взгляд в будущее (Нигоҳ ба оянда)” бо пешниҳоди кори илмии худ аз рӯйи номинатсияи кимиё дар мавзуи “Фазовые равновесия системы Nа, К//SО4,СО3,НСО3, F-Н2О при 0ОС в области кристаллизации кароббита(К F)” иштирок намуда, сазовори Ифтихорнома гардид.

Санаи 18 июни соли 2021 маҳфил - озмуни ҷумҳуриявӣ таҳти унвони  “Нақши китоби “Тоҷикон”-и Бобоҷон Ғафуров дар шинохти асолати миллӣ” байни донишҷӯёни муассисаҳои таҳсилоти олии касбӣ ва хонандагони муассисаҳои таҳсилоти миёнаи умумӣ бахшида ба 30 –солагии Истиқлолияти давлатии Ҷумҳурии Тоҷикистон баргузор карда шуд, ки дар он донишҷӯи курси 2 факултети гидромелиоративӣ Сафаров Назармаҳмад Тиллоевич иштирок намуда, сазовори ҷойи ифтихорӣ гардида, бо Ифтихорномаи Кумитаи иҷроияи ҲХДТ дар ноҳияи Исмоили Сомонӣ сарфароз гардонида шуд.

Чорбиниҳои илмии баргузоркардашуда тавассути шабакаи телевизиони Тоҷикистон намоиш дода шуда, ҳамзамон дар сомонаи донишгоҳ ва рӯзномаи “Дониш”- донишгоҳ  нашр карда шудааст.

Раёсати донишгоҳ баҳри амалишавии иқдомҳои наҷибонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти дастгирии ҷавонони лаёқатманд ва ҷалби онҳо ба корҳои илмиву таҳқиқотӣ тавассути таҳия ва пешниҳоди лоиҳаҳои инноватсионӣ ва кашфиёту ихтироъкорӣ тамоми чораҳоро роҳандозӣ менамояд. Вобаста ба ин, дар соли 2021 аз тарафи раёсати донишгоҳ  грантҳои хурд барои амалишавии 3 лоиҳаи инноватсионӣ дар мавзуъҳои “Татбиқи технологияи парвариш ва  истеҳсоли тухмии баландсифати пахтаи миёнанах дар шароити иқлимии шаҳри Ҳисор”  бо маблағи 38798 сомонӣ, “Технологияи шадидан баланди парвариши навъҳои гуногуни гандуми тирамоҳӣ ба маҳсулнокии дон дар шароити иқлимии шаҳри Ҳисор” бо маблағи 21298 сомонӣ ва “Коркард ва сохтани дастгоҳи тамизнамоӣ барои пешгирӣ аз бемориҳои сироятӣ ва таъмини амнияти ҳаёти сокинони кишвар” бо маблағи 7554 сомонӣ ҷудо карда шудаст, ки дар умум 67650 сомониро ташкил медиҳанд.

Ҳамзамон, конференсияи ҷумҳуриявии илмӣ-амалии олимони ҷавон, магистрантҳо, докторантҳо ва донишҷӯён дар мавзуи  “Дастовардҳои муосир ва масъалаҳои актуалӣ дар муҷтамеи агросаноатӣ” санаи 29 апрели соли 2021 баргузор гардида, китоби “Маҷмӯи мақолаҳои илмӣ” дар ҳаҷми 704 саҳифа бо фарогирӣ аз 257 мақолаи илмӣ нашр карда шуда, дастраси муаллифон ва иштирокдорони он гардонида шудааст.