ДОНИШГОҲИ АГРАРИИ ТОҶИКИСТОН БА НОМИ ШИРИНШОҲ ШОТЕМУР

Факултети Баҳисобгирӣ ва молия

  Декан: Олимов Аловиддин Хайруллоевич, н.и.и., дотсент 

Факултети баҳисобгирӣ ва молия дар асоси Қарори мушовараи Вазорати маорифи Ҷумҳурии Тоҷикистон № 8\9 аз 03.04.2006 ва қарори Шӯрои илмии Донишгоҳи аграрии Тоҷикистон (суратҷаласаи № 5 аз 22.12. 2006) дар заминаи факултети иқтисодӣ  аз 22.12. с.2006 таъсис дода шуд.

Сарварии факултетро номзади илмҳои иқтисодӣ, дотсент Олимов Аловиддин Хайруллоевич ба уҳда дорад. Дар факултет аз рӯи ихтисосҳои зерин мутахасис тайёр карда мешавад:

 -ихтисоси "Молия ва қарз дар КАС"   мутахассисони ин ихтисос метавонанд дар корхонаҳои истеҳсолӣ, муассисаҳои молиявию қарзӣ, ташкилотҳои тиҷоратию ҷамъиятҳои саҳомӣ ва ширкатҳо фаъолият намоянд;

 -ихтисоси "Баҳисобгирии бухгалтерӣ, таҳлил ва аудит" мутахассисони ин ихтисос илму амалияи баҳисобгирии муҳосиботиро мутобиқу мувофиқи стандартҳои байналхалқии баҳисобгирӣ меомӯзанд.

 Дар сохтори факултет 5 кафедра "Баҳисобгирии бухгалтерӣ ва аудит", "Молия ва қарз дар КАС", "Таҳлили иқтисодӣ ва омор", "Технологияҳои иттилоотӣ дар КАС",  "Фалсафа ва сиёсатшиносӣ" фаъолият мекунанд, ки дар ин кафедраҳо 63 нафар омӯзгор, аз он ҷумла, 3 нафар профессор, 14 нафар номзади илм, дотсентон, 20 нафар омӯзгори калон, 26 нафар ассистент кору фаьолият карда истодаанд.

Ҳоло дар шуъбаи рӯзонаи факултет ҳамагӣ 717 нафар, аз он ҷумла дар ихтисоси "Молия ва қарз дар КАС" 428 нафар ва дар ихтисоси  "Баҳисобгирии бухгалтерӣ, таҳлил ва аудит" 289 нафар донишҷӯ таҳсил доранд. Дар шуъбаи таҳсилоти  ғоибонаи факултет  544 нафар ба таҳсил фаро гирифта шудаанд . Аз он ҷумла дар ихтисоси "Молия ва қарз дар КАС" 326 нафар ва дар ихтисоси  "Баҳисобгирии бухгалтерӣ, таҳлил ва аудит"218 нафар таҳсилро фаро гирифтаанд.

Дар факултет професорону устодони ботаҷриба ба монанди  Шарифов З.Р., Идиев Х.У.,  Шукуров М.Ш., Олимов А.Х., Самиев Б., Элмуродов З.Э., Дадабоев О.Д., Саидов М.С., Қурбонов К.Ю., Юлдошева Н.Қ., БобоевА.А.,Бадалова Б.А., Ҳакимзода С.К., Хуҷақулов Н.Ҷ.,Ҷонмаҳмадов Қ. Фаъолияти пурсамар намуда истодаанд. 

Омӯзгорони факултет баланд бардоштани сифати таълимро вазифаи аввалиндараҷаи худ дониста, барои тайёр кардани кадрҳои баландихтисоси ба талаботи  ҳозира ҷавобгӯ пайваста кӯшиш ба харҷ медиҳанд. Бо мақсади таҳлил ва омӯзиши ҳолати ҳозираи тараққиёти кишоварзии ҷумҳурӣ, муайян намудани роҳу усулҳои нави самараноки тараққиёти устувори кишоварзӣ дар асоси таҳлили нишондиҳандаҳои ҳақиқӣ ва амалии хоҷагидорӣ ба ҳар як кафедра мавзӯъ вобаста карда шудааст.

 Ихтисосҳои Факултети Баҳисобгирӣ ва молия