Кафедраи ҷарроҳӣ, қобилагӣ ва табобатӣ

РАҲИМОВ Фируз Файзалиевич,

мудири кафедраи ҷарроҳӣ, қобилагӣ ва табобатӣ, номзади илмҳои ветеринарӣ, дотсент

Кафедра соли 1970 ташкил шуда, аввалин мудири он узви вобастаи Академияи умумиитифоқии илмҳои кишоварзии Итиҳоди  Шуравӣ ба номи В.И. Ленин доктори илмҳои ветеринарӣ, профессор Мустакимов Р.Г. буд, ки  то соли 1991 мудирии кафедраро ба уҳда дошт.

Солҳои минбаъда мудирии кафедраро ба уҳда доштанд: 1991 – 1992 дотсент Сафаров Г.С., 1992 – 1997 дотсент Ҷумаев Н.С, 1998 – 2001, дотсент Раҳмонов Ш. А, 2001 – 2004, дотсент Зокиров И.Т, 2004 – 2005, омӯзгори калон Бабаева М.Қ., 2005 – 2006 дотсент Мирзоахмедов Ш.Р., 2006 – 2007 дотсент Давлатмуродов Т.М., 2007 – 2014 дотсент Турдиев Ш.А., 2014 – 2015 дотсент Давлатмуродов Т.М., 2015 – 2016 дотсент Идиев Қ. У. Аз соли 2016 то ҳол дотсент Раҳимов Ф.Ф. Устодони зерин солҳои гуногун дар кафедра кор ва фаълолият кардаанд:

Егоров И.Н.,  Петрова Л.М., Мавлонов У.Қ., Бердиев Н.Б., Егоров Е.А., Марантини А.Г., Жукова И.Н.,  Хачатуриян  Ю.С.,  Пулодов С.Н. Бақоев А.О., Солиев Р.Б., Мухамедов Н.Ҷ., Утамуродов А.Қ.  Шодмонов И.,  Маҳмадраҳимов О. Г.,  Мусоев З.К., Хоҷаев М.Ҷ.,  Каримов М.М.,  Холов С.Х.

Ҳоло дар ҳайати кафедра 9 – нафар омӯзгорон, аз он ҷумла профессор Турдиев Ш.А., дотсентон Раҳимов Ф.Ф., Давлатмуродов Т.М., Идиев Қ.У., омӯзгорони калон Давлатов Б.С., Сафаров Ф.Х., ёвармуаллимон Набиев М.Н.,  Ассоева М. У.  Адҳамова Г.Ғ.  кор ва фаъолият карда истодаанд.

Омӯзгорони кафедра бо донишҷӯёни факултетҳои тибби ветеринарӣ ва зооинҷенерӣ аз фанҳои зерин: табобати, қобилагӣ, ҷарроҳии амалӣ, ҷузъӣ ва умумӣ, ташхиси сарирӣ ва радиобиология таълимро ба роҳ мондаанд.

Аз фанҳое, ки дар кафедра ба донишҷӯён дарс гузаронида мешавад, то имрӯз  панҷ китоби дарсӣ “Қобилагӣ, гинекологияи ветеринарӣ ва биотехнологияи афзоиш”, “Қобилагӣ, гинекологияи ветеринарӣ ва биотехнологияи афзоиш барои машғулиятҳои амалӣ”, “Касалиҳои дарунии сироятнакунандаи ҳайвонот”, “Ташхиси сарирӣ” ва “Асосҳои илмӣ амалии ветеринарӣ”  ва   133 – дастурхои методӣ  ба забони давлатӣ нашр гардидааст.

Кафедра потенсиали бойи илмӣ дорад. Корҳои илмии устодони кафедра ба таҳияи нави маводҳои  илмӣ бахшида шуда, дар таҷрибаи пешқадами соҳаи чорводорӣ васеъ истифода мегарданд. Бори аввал дар Иттиҳоди Шӯравӣ дастгоҳи калони рентгенофлюорография “Флюровет-1”- ро профессор Мустақимов Р.К. ихтироъ намудаанд, ки дар ташхиси бемориҳои шуш ва вайроншавии мубодилаи моддаҳои ҳайвонот васеъ истифода мегардад.

Таҳти роҳбарии бевоситаи академик Мустақимов Р.Г., як нафар рисолаи докторӣ ва 17 нафар рисолаи номзадиро дифоъ намудаанд. Айни замон шогирдони ӯ дар  макотиби олӣ, пажуишгоҳҳо ва бахшҳои гуногуни соҳаи кишоварзии ҷумҳурӣ бомуваффақият фаъолият доранд.

Дастовардҳои кафедра дар давраи истиқлолият

Дар давраи истиқлолият олимони кафедра тадқиқотҳои илми дар мавзӯи “Баланд бардоштани қобилияти репродуктивии модаговҳо бо истифодаи усулҳои муосири табобат   ва  биотехналоги ” дар конфронсҳои байналмиллалӣ ва ҷумҳуриявӣ бо маърузаҳои замонавии илмӣ баромад мекунанд. Натиҷаи корҳои илмию-тадқиқотии кафедра дар 23 тавсияномаҳои илмӣ, 36 дастурамалҳо ва зиёда аз 200  мақолаҳои илмӣ дарҷ гардидаанд. Фаъолияти илмии олимони кафедра бо 18 ихтироот сарфароз гардонида шудааст.

• Дотсент,н.и.в. Мухаммедов Нуриддин Ҷалолиддинович аз соли 1980 – 1983 муовини декани факултети тибби ветериринарии Донишгоҳи аграрии Тоҷикистон, омӯзгори калони кафедраи ҷарроҳӣ ва қобилагӣ. Соли 1983 дастурдиҳандаи соҳаи кишоварзӣ дар ноҳияи Файзобод. Аз соли 1983-1986 сардори истгоҳи мубориза бар зидди касалиҳои ҳайвоноти ноҳияи Файзобод. Аз соли 1986-1987 сардори шуъбаи илм ва муассисаи илмии Госагропром, аз соли 1987-1988 сардори сарраёсати ветеринарии назди вазорати кишоварзии Чумҳурии Тоҷикистон, аз соли 1988-1991 муовини раиси саноати Чумҳурии Шӯравии Сотсиалистии  ҶТ, сардори саридораи истеҳсол ва коркарди маҳсулоти чорво, аз соли 1991-1997 сардори саридораи тибби ветеринарӣ дар Инспексияи давлатии Чумҳурии Тоҷикистон.
• Профессор, д. и.в. Мирзоахмедов Шоаҳмад Раҷабматович, аз соли 1990-2004 декани факултети тибби ветеринарии Донишгоҳи аграрии Тоҷикистон ба номи Ш.Шоҳтемур, аз соли 2007-2008 директори институти чорводории назди АИКТ.
• Профессор д.и.б. Турдиев Шамсулло Абдуллоевич   аз соли 2014-2018 директори Институти масоили амнияти биологии назди АИКТ.
• Дотсент, н.и.в. Бақоев Облоқул Астанаевич, аз соли 1990-2004 директори генералии Тоҷикзооветснаби Сарраёсати ветеринарии назди Вазорати кишоварзии  Ҷумҳурии  Тоҷикистон