ДОНИШГОҲИ АГРАРИИ ТОҶИКИСТОН БА НОМИ ШИРИНШОҲ ШОҲТЕМУР

Хабар

Бунёд озмоишгоҳи энергияи нури офтоб

Дар донишгоҳ озмоишгоҳи манбаъҳои барқароршавандаи энергия ба фаъолият оғоз намуд, ки он тавассути кӯмаки Ҷамъияти дӯстии Олмону Тоҷикистон дар  шаҳри Берлини Ҷумҳурии Федеративии Олмон (раиси ҷамъият-доктор Александр Ҳайзер) бунёд гардид. Озмоишгоҳ энергияи нури офтобро дар 2 дастгоҳи обгармкунак ба оби гарм, 8 дастгоҳи офтобӣ ба энергияи барқ табдил медиҳад. Мудири кафедраи воситаҳои энергетикӣ ва бехатарии меҳнат, номзади илмҳои техникӣ,  дотсент Камолов Т.М. иброз дошт, ки озмоишгоҳ барои шиносоӣ намудани донишҷӯёну мактаббачаҳо бо манбаъҳои гуногуни барқароршаванда таъин гардидааст.