ДОНИШГОҲИ АГРАРИИ ТОҶИКИСТОН БА НОМИ ШИРИНШОҲ ШОТЕМУР
Внимание
  • Lack of access rights - File '/images/tukhmi-va-don.jpg'
  • Lack of access rights - File '/images/tukhmi-va-don.jpg'

Озмоишгоҳи сифати тухмӣ ва дон

Соли 2006 бо дастгирии Барномаи рушди соҳаи тухмипарварӣ дар То ҷикистон ,  ки  аз  тарафи  Оҷонсии ҳамкории байналмилалии Шветсия (SIDA)  маблағгузорӣ мегардад, сохта ба истифода дода шуд.

Озмоишгоҳ иборат аз 2 бахш, бахши аввал барои омӯхтани сифати тухмии кулли зироатҳои кишоварзӣ бахусус ғалладонагӣ, бахши дуввум барои омӯзиши касалиҳои фитопотологии зироатҳои ғалладонагӣ ва барангезандаҳои он равона гардидааст. Озмоишгоҳ бо дастгоҳҳои замонавии ташхиси сифати тухмӣ ва касалиҳои он ҷиҳозонида шудааст.

Дар озмоишгоҳ як қатор санҷишҳои лабораторию ҳисобкуниҳои амалӣ марбут ба тухмӣ ва сифати он, ки барои агроном ва дигар мутахассисони тавъам ба он донистан зарур  аст,  гузаронида  мешавад.

Ҳисобкуниҳо аз қабили муайян намудани вазни 1000 дона тухмии зироатҳои мухталиф, муайян кардани меъёри тухмии киштшавандаи зироатҳо, меъёр ва нақшаи шинонидани лӯндаҳои картошка, муайян кардани миқдори зарурии қаламчаҳо барои кишт ва санҷишҳои лаборатории тозагии тухмӣ, қобилияти сабзиш, қувваи сабзиш, шаффофият, тозагии навъ, дараҷаи пуррашавии дон, лаёқати киштбобии тухмӣ, ширанокии дон ва амсоли ин баҳо дода мешавад.

Озмоишгоҳ заминаи муҳим барои гузаронидани корҳои илмии олимон, аспирантон, магистрон буда барои омӯзонидани асосҳои баҳодиҳии сифати тухмӣ барои донишҷӯён хизмат мекунад.

Озмоишгоҳҳо