Кафедраи мелиоратсия, таҷдидсозӣ ва ҳифзи замин

Пулатов Шавкат Ярашевич,

мудири кафедраи мелиоратсия, таҷдидсозӣ ва ҳифзи заминномзади илмҳои техникӣ, дотсент

Кафедраи мелиоратсия, таҷдидсозӣ ва ҳифзи замин бо баробари ташкил ёфтани факултети  гидромелиоративӣ соли 1951 таъсис гардидааст. Нахустин мудири он н.и.к. Ф. Н. Бончковский буд, ки ӯ то соли 1954 ба кафедра сарварӣ кардааст. Солҳои 1954-1960 вазифаи мудири кафедраро профессор Беседнов Н.А., солҳои 1960-1972 н.и.к. Ярмолинский Э.А., Ткаченко Б.Н., Суполкин Г.А., Юлдошев А.Ю. ва Иброҳимов Х.Г. ба зима доштанд. Аз с. 1972 то с. 2003 вазифаи мудири кафедраро д.и.т., профессор Нурматов Н.Қ. ва аз с. 2003 то с. 2015 д.и.т., профессор  Икромов И.И. иҷро намуданд. Аз соли 2015 то ин ҷониб  вазифаи мазкурро номзади илмҳои техникӣ, дотсент Пулатов Ш.Я. ба ӯҳда дорад.

Ҳоло дар кафедра д.и.т., профессор Икромов И.И., н.и.т., дотсент Пулатов Ш.Я., н.и.к., дотсент Умарова Л.Д. омӯзгори калон Раҳимов М.А. ва ассистентон Муминов С.Ш., Ҷӯраева М.А., Пайшанбиев Р. ва Раҷабов М. фаъолият доранд.

Омӯзгорони кафедра дар давраи фаъолияташон 6 номгӯи китобҳои дарсӣ ва зиёда аз 30 номгӯи дастурҳои методӣ барои иҷрои корҳои курсӣ ва дипломӣ ва барои гузаштани дарсҳои амаливу озмоишӣ нашр намудаанд. Дар кафедра омӯзгорон зиёда аз рӯи 15 фан ба донишҷӯёни факултетҳои гидромелиоративӣ, агробизнес, агрономӣ, боғу токпарварӣ ва биотехнологияи кишоварзӣ дарс мегузаранд.

Омӯзгорони кафедра барои босифат гузаронидани дарсҳо аз фанҳои мухталиф зиёда аз 120 адад васоити таълимӣ тайёр намудаанд, ки истифодабарии онҳо дар баланд бардоштани дараҷаи дарсазхудкунии донишҷӯён нақши муҳим мебозад.

Хамасола донишҷӯёни факултаи гидромелиоративӣ аз фанҳои гуногуни кафедра дар корхонаҳои идораи Агентии беҳдошти замин ва обёрии назди Ҳукумати Ҷумҳурии Тоҷикистон таҷрибаомӯзиҳои таълимӣ ва истеҳсолӣ мегузаранд, ки ин дониши онҳоро мустаҳкам менамояд. Ғайр аз ин омӯзгорони кафедра ҳамасола чунин корҳои таълимӣ – методӣ, ба монанди: тайёр кардан ва аз нав дида баромадани барномаҳои кории фанҳои кафедра, тайёрӣ ба дарсҳои маърӯзавӣ ва амаливу озмоишӣ ва гузаронидани таҷрибаомӯзиҳои таълимиву истеҳсолӣ, гузаронидани аттестатсияи донишҷӯён ва ғ. иҷро менамоянд.

Дар давраи фаъолияташон омӯзгорони кафедра дар баробари корҳои таълимӣ-методӣ ва ташкиливу тарбиявӣ ба гузаронидани корҳои илмӣ-тадқиқотӣ шуғл меварзанд. Натиҷаи корҳои илмӣ-тадқиқотии олимони кафедра дар 8 адад монографияҳо, 20 адад брошюраҳо ба шакли тавсияномаву пешниҳодот ва зиёда аз 600 адад мақолаҳои илмӣ нашр гардидаанд. Олимони кафедра муаллифи зиёда аз 60 адад ихтироот мебошанд.

Дар асоси гузаронидани тадқиқотҳои илмӣ бо татбиқ намудани ихтирооти гуногун дар минтақаҳои мухталифи Ҷумҳурӣ аспирантҳо ва унвонҷӯёни кафедра (Ғуломҷонов А.Ғ., Мамадназаров И.М., Камолиддинов А.К., Сайфуллоев Т.Х., Пулатов Ш.Я., Икромов И.И., Мирзоев М.М. рисолаи номзадӣ  ва ду нафар (Нурматов Н.К. ва Икромов И.И.) рисолаи докториро бо сарбаландӣ дар Шӯроҳои диссертатсионии шаҳрҳои Москва, Тошканд ва Бишкек дифоъ намуданд. Ҳамасола омӯзгорон ва аспирантону унвонҷӯёни кафедра дар бораи натиҷаи корҳои илмӣ-таҳқиқотии худ дар конференсияҳои донишгохӣ, ҷумҳуриявӣ ва байналмиллалӣ иштирок ва баромадҳо менамоянд.

Дар назди кафедра мактаби илмии профессор, маҳфили «Мелиораторони ҷавон» амал  мекунад, ки зиёда аз 25 нафар донишҷӯёни пешсаф аъзо мебошанд.

Омӯзгорони кафедра дар баробари корҳои таълимӣ-методӣ ва илмӣ-тадқиқотӣ ба корҳои тарбиявӣ низ машғуланд. Омӯзгорон ҳамасола мураббии донишҷӯён буда, дар тарбияи онҳо саҳми босазо мегузоранд. Мураббиён дар дарсҳои тарбиявӣ мунтазам ба донишҷӯён дар мавзӯҳои гуногун, аз ҷумла, оид ба сиёсати пешгирифтаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон зери шиори “Ҷавонон ояндаи миллат”, “Нерӯи созандаи Ватан”, инчунин оид ба “Иди парчам”, иди Меҳргон, иди Наврӯз, Истиқлолияти Давлатии Ҷумҳурии Тоҷикистон, Даҳсолаи байналмилалии амал «Об барои рушди устувор, солҳои 2018-2028», одобу ахлоқ, ҳурмату иззати устод, падару модар ва калонсолон ва намуди зоҳирии онҳо  суҳбатҳо гузаронида мешавад.

Кафедра бо донишгоҳҳо ва муассисаҳои илмӣ-тадқиқотии гидротехника ва мелиоратсияи кишварҳои ИДМ алоқаи зичи ҳамкорӣ дорад.